Bicol Adventure :D

Click the link to find amazing ways to enjoy the beautiful province of Bicol :)

Mapa ng Bicol!!

Bicol hotels!

Syempre una sa lahat, bago tayo maglakbay sinisiguro natin kung saan tayo pansamantalang maninirahan doon, kaya sa tulong ng nahanap naming site, madali na lamang ito! :)

Sana nga..

Mga simpleng mag-aaral ng City of Mandaluyong Science High School lamang kami, Ngunit kami ay nagsama-sama upang mabuo ang blog na ito, proyekto man namin ito sa asignaturang filipino, kami ay naanyayahan gawin ito hindi lamang dahil sa markang aming makukuha ngunit para narin ibahagi sa inyo ang natatanging impormasyon na aming nasaliksik sa mga nagdaang araw. Sana ay napalawak namin ang inyong kaalaman ukol sa Bicol. 

Ten things to do in Albay

May mga pagkakataon na ang hanap natin sa paglalakbay ang ang makagawa ng kakaibang mga bagay o makakita ng mga panibagong tanawin, sa tingin namin, ito na ang sagot sa mga problema ninyo! Salamat na lang at may nakaisip gumawa ng site na ito! (hindi po kami ang gumawa ng site na ibinigay namin)

Mga Sikat Na Pagkain Sa Bicol

Mga Sikat Na Pagkain Sa Bicol

Laing

Ang laing ay isang maanghang na pagkain na gawa sa gata at pinatuyong mga dahon. Ito ay nagmula sa rehiyon ng Bicol sa Pilipinas. Dahil sa masarap nitong lasa at mura nitong halaga, ito naging napakasikat. Karamihan ng mga tao ay kadalasang ginagaya. Ito ay isang katotohanan para sa pagkaing ito. Iba-ibang bersyon nito ang biglang naglabasan sa iba’t-ibang lugar sa Pilipinas habang ang ibang bersyon nito ay dinadagdagan ng mga sangkap, at ang iba ay gumagamit ng alternatibong mga sangkap. Kahit na marami mang bersyon ang nauso, tatlong pinaka-importanteng sangkap para sa pagkaing ito ay: Gata, pinatuyong dahon ng taro at siling labuyo.

Pili Nut

Canarium ovatum mas kilala sa pangalang pili ay isang uri ng punong tropiko na kasama sa Genus Canarium. Isa ito mula sa hihigit ng 600 na uri ng Burseraceae. Ang pili ay natural sa Maritime Southeast Asia Papua New Guinea at hilagang Australia. Ito ay pangkomersyong nilinang sa Pilipinas dahil sa kanilang nakakaing mani.

Bicol Express

Ang Bicol express ay isang popular na ulam ng mga Pilipino sa distrito ng Malate, Maynila pero gawa sa tradisyunal na Bicolanong istilo ng pagluluto. Ito ay isang stew na gawa sa mahaba o panjangin sa salitang Malay o Indonesian, gata, shrimp paste o stockfish, sibuyas, karne ng baboy at bawang. Ito ay sinasabing nagmula sa gulay na may lada na isa pang pagkaing bikolano na ngayon ay ihinahanda bilang isa sa mga uri ng bikol express.Ang bikol express ay ipinangalan sa isang pampasaherong tren mula sa maynila papunta sa rehiyon ng bikol sa Pilipinas para sa maanghang nitong luto.

Official Tourism Website...

Hindi man namin ito gawa, sa tingin namin ay makatutulong ito upang anyayahan kayo sa Bicol.. Ito ay opisyal na Tourism Website ng Albay, Bicol. Enjoy! :)

Ngunit, Subalit, Bagkus..

Kadalasan mas ipinagmamalaki ng isang bayan ang kanilang mga magagandang tanawin, ito ang mga nilalagay nila sa mga brochure, o mga  flyer upang anyayahan ang mga manlalakbay na pumuntasa lugar nila, pero kami, ipagmamalaki namin sa inyo ang mga sikat na pagkain at mga personalidad sa Bicol. Ika nga ay mag Food Trip tayo, at susundan ang mga iba't- ibang mga personalidad dito. :) Sosyal nga tignan kung naglalakbay sa ibang bansa subalit hindi mas maganda kung ipagmamalaki mo na nalibot mo na ang ating inang bayan? kung kami ang papipiliin mas matutuwa kami kung lalakbayin muna natin ang sariling atin bago mangibang bansa. 

Mga Sikat Na Personalidad Sa Bicol

Mga Sikat Na Personalidad Sa Bicol

Venus Raj

Si Maria Venus Bayonito Raj o mas kilala bilang Venus Raj ay ipinanganak noong ika-7 ng Hulyo noong 1988 sa Doha, Qatar sa amang si Vincent Raj at inang si Ester Bayonito. Ayon sa kanya, siya ay lumaki at tumira sa Bato, Camarines Sur matapos maghiwalay ang kaniyang mga magulang. Mula noon ay itinaguyod siya ng kaniyang ina, na isang mananahi at magsasaka. Kasama ng kaniyang mga kapatid, tumulong din sa pagsasaka si Raj at ayon sa kaniya, natuto siyang maglakad na tulad ng isang model sa pamamagitan ng paglalakad sa mga makikipot na dike ng palayan. Nakilala si Venus dahil sa kanyang pagkakapanalo bilang ikaapat ng na runner up sa Ms. Universe dahil sa kanyang pagkapanalo ang pilipinas ay mas nakilala sa buong mundo.

Nora Aunor

Si Nora Cabaltera Villamayor Aunor o mas kilala bilang Nora Aunor ay ipinanganak bilang Maria Leonora Teresa Cabaltera Aunor noong Mayo 21, 1953 ay isang Pilipinong mang-aawit, artistaat producer na tinaguriang Superstar. Naging artista din siya sa maraming palabas sa entablado sa telebisyon at mga concert. Siya ang unang artistang babae na nagwagi ng International Best Actress Award sa Cairo International Film Festival para sa pelikulang "The Flor Contemplacion Story" Siya ay ang nag-iisang artistang babae ng pelikula na napabilang sa 100 Centennial Honor for the Arts na iginawad ng Cultural Center of the Philippines noong 1999. Naging asawa niya si Christopher de Leon at dalawang beses pang ikinasal ngunit sa kalunan, naghiwalay ang dalawa. Ang kanyang mga anak ay sina Ian de Leon, Lotlot de Leon, Matet de Leon, Kiko de de Leon at Kenneth de Leon.

Jesse Robredo

Si Jesus Manalastas Robredo o mas kilala bilang Jesse Robredo ay ipinanganak noong 27 Mayo 1958 sa Lungsod ng Naga. Pangatlo siya sa limang magkakapatid na dalawang lalaki at tatlong babae, nina Jose Chan Robredo Sr. at Marcelina Manalastas. Purong Intsik si Lim Pay Co, ang lolo sa ama ni Robredo na dumating sa Pilipinas noong pagpasok ng ika-dalawampung siglo. Bago pasukin ang paglilingkod sa publiko, namasukan muna si Robredo sa Physical Distribution Technical Services Department, General Services Division ng San Miguel Corp.. Sa loob ng anim na buwan, hinawakan niya ang dalawa sa tatlong dibisyon at inilipat sa departamentong pinansyal sa loob ng anim na buwan. Lumipat siya sa Magnolia at naatasan sa logistics planning kasabay ng pagiging direktor ng physical distribution. Pagkabalik niya sa Naga noong 1986, ginawa siyang Program Director ng Bicol River Basin Development Program, isang ahensyang nagpapalakad ng mga gawain sa pagpaplanong paunlarin ang tatlong lalawigan ng rehiyon. Noong 1988, naihalal siya bilang punong-lungsod ng Naga, pinakabatang naging punong-lungsod sa Pilipinas sa gulang na dalawampu't siyam. Mula sa matamlay na siyudad, nagawa niyang mapabilang ito sa “Most Improved Cities in Asia” ng Asiaweek Magazine noong 1999. Dahil sa kanyang mabisang pamumuno, naihalal siya bilang pangulo ng Liga ng mga Punong-Lungsod ng Pilipinas noong 1995. Nang taong ding iyon, pinamunuan niya ang Metro Naga Development Council. Naluklok din siya bilang pinuno ng Regional Development Council ng Bikol mula 1992 hanggang 1998. Kasapi rin siya ng Partido Liberal ng Pilipinas.

Panibagong karanasan...

Sa ganda ng sikat ng araw sa ikalabing- apat na araw ng Enero, kami ay natutuwang ibahagi sa inyo ang aming kaalaman ukol sa isang munting bayan ng Bicol. Wala man kaming gaanong alam na impormasyon sa natatanging lugar na ito, matitiyak namin na ang lugar na ito ay hindi ninyo pagsisihan ang inyong pagbisita, sa ganda ng mga lugar dito ay mabibighani kayo sa mga "tourist spots" dito. Kasama niyo kami sa pagtuklas sa mga natatanging sikreto ng lungsod ng Albay, Bicol. Inaamin naming sinisimulan pa lamang ang paglalakbay, ngunit kami ay tunay na masisiyahan kung kami ay inyong sasamahan. :)